அவளுக்கு உணர்த்துங்கள், அவள் அக்னிப் பிழம்பென.

எந்தப் பாவமும் செய்யாவிட்டாலும், பாலியல் சீண்டலுக்கு ஆளான பெண், களங்கப்பட்டவளாகவே அறியப்படுவது வேதனை. நோகடிக்கப் பட்டவளை மனதளவில் உறுதிப்படுத்தினால், அவள் அக்னிப் பிழம்பென நினைவுப் படுத்தினால், அவள் மீண்டு எழுவது சாத்தியமாகும்.

அக்னிப் பிழம்பிற்கு ஏது சுத்த அசுத்தம், களங்கம்?
சீதைகள் தீக்குளிக்க வேண்டாம்.
தீயாகவே மாறட்டும்.

அவளுக்கு உணர்த்துங்கள்
அவள் அக்னிப் பிழம்பென.

கூடாத எண்ணம் கொண்டு அணைப்பவர் விரல்களும்
வாய்பொத்தி வஞ்சிப்பவரின் உமிழ்நீர் கறைகளும்
அவளை அழுக்காய் அறிவிக்காதென.

வேதனையின் எச்சங்கள்
அவளைக் கனவில் துரத்தினால்
அவள் அரண்டு கதறினால்
அவளிடம் சொல்லுங்கள்
அவள் அக்னிப் பிழம்பென.

இனிவரும் காலங்களிலும்
பொல்லாத நாக்கள் சில
அவளை சாடை பேசக்கூடும்.
அவ்வேளையிலும் நினைவூட்டுங்கள்-
அவள் அக்னிப் பிழம்பென.

பட ஆதாரம்: Pexels.com

வாசகர்களே!

விமன்ஸ் வெப் ஒரு திறந்த வலைதளமாகும். இது பலவிதமான பார்வைகளை/கருத்துக்களை வெளியிடுகிறது. தனிப்பட்ட கட்டுறைகள் எல்லா நேரங்களிலும் தளத்தின் பார்வைகளையும் கருத்துகளையும் குறிக்காது.  ஏதேனும் கட்டுறையில் உங்களுக்கு தொடர்புடைய அல்லது மாறுபட்ட கருத்து இருந்தால் எங்கள் வலைதளத்தில் பதிவுசெய்து உங்கள் கருத்துகளையும் பகிர்ந்து கொள்ளத் தொடங்குங்கள்!

Never miss real stories from India's women.

Register Now

கருத்துக்கள்